Каруначніцы (Tingidae) — сямейства насякомых атрада клапоў.
Вядома каля 2000 відаў. Пашыраны ўсюды. Пераважна шкоднікі раслін. На Беларусі найбольш вядомая каруначніца грушавая (Stephanitis pyri). Жывуць на пладовых дрэвах (груша, яблыня), ліпах.
Даўжыня 1—10 мм. Крылаў 2 пары, пярэднія з перапончатым верхам, аснова крыла цвёрдая, скурыстая. Надкрылы і пярэдняспінка ячэйкавыя або карункавыя (адсюль назва). Ротавыя органы колюча-сысучыя.
Кормяцца сокам лісця.