Кароль Міхал Друцкі-Сакалінскі (каля 1660 — 1713) — вялікалітоўскі дзяржаўны дзеяч.
Паходзіў з княжацкага роду Друцкіх-Сакалінскіх герба «Друцк». Сын Міхала Караля.
Кашталян смаленскі з 1703 года. Апошні ленны ўладальнік Лугінавіч і Вяляціч, праз шлюб з Евай Шверынавай набыў Даўгінава ў Ашмянскім павеце, у 1692 годзе купіў у К. Сапегі суседняе Ілле.
Перажыў адзінага сына Міхала. Пасля яго смерці ленныя маёнткі адышлі да дзяржавы, вотчынныя былі падзелены паміж дочкамі Барбарай (жонка А. Скарульскага) і Кацярынай (жонка К. Валовіча).