wd wp Пошук: ⬜

Карлскірхэ

Карлскірхэ (ням.: Wiener Karlskirche) — каталіцкая царква, размешчаная ў паўднёвай частцы Карлсплац, у Вене. Знаходзіцца на самым краі раёна Унутраны горад побач з Рынгштрасэ. Карлскірхэ служыць адным з выдатных прыкладаў стылю венскага барока. Асабліва вылучаецца велічэзны купал і 2 калоны па краях. Таксама архітэктурнае рашэнне Карлскірхэ ўключае у сябе порцік у грэчаскім стылі, павільёны. Вышыня храма — 72 метра.

Гісторыя і архітэктурныя асаблівасці

У 1713 годзе, праз год пасля страшнай эпідэміі чумы, імператар Карл VI Габсбург даў абяцанне пабудаваць храм у гонар свайго заступніка, каталіцкага святога Карла Барамеа. Быў аб’яўлены конкурс, у якім выйграў Ёган Бернхард Фішэр фон Эрлах. У 1716 годзе пачалося будаўніцтва. У 1723 годзе Ёган памёр і будаўніцтва прадоўжыў яго сын Іосіф, некалькі змяніўшы першапачатковую задуму бацькі. У 1737 годзе будаўніцтва было завершана.

Царква атрымалася вельмі незвычайная, яна аб’ядноўвала элементы розных стыляў і эпох: старажытнагрэчаскі порцік, старажытнарымскія калоны, накшталт траянавай, два барочных павільёна і вялікі купал, які нагадвае купал Сабора Святога Пятра.

Іканаграфія

Іконы Карлскірхэ, апроч жыцця Карла Барамеа, апавядаюць аб чатырох галоўныя дабрачыннасцях (разважлівасць, адвага, умеранасць ва ўсім, справядлівасць). Аўтарамі фрэсак з’яўляюцца Себасцьяна Рычы, Ёхан-Міхаэль Ротмайр, Марціна Алтамонтэ і Даніэль Гран. Галоўны алтар упрыгожвае ляпны рэльеф, які паказвае св. Карла Барамеа, які ўзнесся ў рай на хмары ў асяродку анёлаў і херувімаў. Да вяршыні купала можна падняцца на ліфце.

Спасылкі

На Вікісховішчы ёсць медыяфайлы па тэме Карлскірхэ
Афіцыйны сайт