Карлейн Ахтэрэктэ (нідэрл.: Carlijn Achtereekte; нар. 29 студзеня 1990, Летэле, Нідэрланды) — нідэрландская канькабежка, якая спецыялізуецца ў класічным мнагабор’і, чэмпіёнка Алімпійскіх гульняў 2018 года, трохразовая прызёрка чэмпіянатаў свету і сярэбраная прызёрка чэмпіянату Еўропы на дыстанцыі 3000 метраў. За спартыўныя заслугі, а таксама залаты медаль Зімовых алімпійскіх гульняў узнагароджана Ордэнам Аранскіх-Насау афіцэрскай ступені. Узнагароду ўручыў міністр аховы здароўя, сацыяльнага забеспячэння і спорту Нідэрландаў Бруна Бруйс. Цырымонія адбылася 23 сакавіка 2018 года на тэрыторыі Гротэ-Керк у Гаазе з прыёмам у караля і каралевы Нідэрландаў.