Карабахскі конь — старажытная парода горных вярховых коней, выведзеная на тэрыторыі Нагорнага Карабаха[1], тып азербайджанскага каня[2]. Фармавалася пад уплывам старажытных іранскіх, туркменскіх, а потым арабскіх коней[1].
Карабахскі конь прызнаваўся адной з лепшых парод усходняга тыпу. У XIX стагоддзі яна зрабіла ўплыў на вярховую конегадоўлю Поўдня Расіі (у тым ліку на паляпшэнне данскога каня) і некаторых краін Заходняй Еўропы (Польшчы, Францыі, Англіі[3]). У савецкі час у Азербайджанскай ССР завадовая праца з карабахскімі коньмі вялася на Агдамскім конным заводзе[1]. У выніку карабахскага канфлікту і эканамічных цяжкасцей конегадоўля прыйшла ў заняпад. У наш час у Азербайджане праводзяцца імпрэзы па аднаўленні карабахскай пароды[4]. Карабахскі конь лічыцца адным з нацыянальных сімвалаў Азербайджана[4].
![]() |
Карабахскі конь на Вікісховішчы |
---|