Канстанцін Мікалаевіч Угляніца (нар. 9 кастрычніка 1949, в. Дзятлавічы, Драгічынскі раён, Брэсцкая вобласць) — беларускі ўрач-анколаг. Доктар медыцынскіх навук (2002), прафесар (2004). Правадзейны член, ганаровы акадэмік Рымскай акадэміі навук «Gugliemo Marconi» (1996), правадзейны член Нью-Ёркскай акадэміі навук (1998).
Скончыў Гродзенскі дзяржаўны медыцынскі інстытут (спецыяльнасць «Лячэбная справа», 1976).
Працаваў у Гродзенскім дзяржаўным медыцынскім універсітэце (з 1979, лячэбны факультэт, кафедра анкалогіі, прафесар, у 1993—2016 — загадчык кафедры).
Навуковыя інтарэсы: клінічная і эксперыментальная анкалогія.
Медалі «За воинскую доблесть» (1970), А. Швейцэра (1996), знак «Отличник здравоохранения Республики Беларусь» (2008).