У Вікіпедыі ёсць артыкулы пра іншых асоб з прозвішчам Караедаў. Канстанцін Мікалаевіч Караедаў (1862[1] — пасля 1912[2]) — рускі інжынер-архітэктар, прадстаўнік гістарызму, які жыў і працаваў на тэрыторыі сучасных Літвы і Беларусі.
Наразіўся ў 1862 годзе. Выхоўваўся ў Мікалаеўскім аляксандраўскім рэальным вучылішчы, а ў 1882 годзе паступіў у Санкт-Пецярбургскі інстытут грамадзянскіх інжынераў, які скончыў у 1887 годзе з правам на чын X класа.
Пасля інстытута быў прызначаны архітэктарам і інжынерам Янаўскага павета(руск.) бел. Люблінскай губерні. У 1894—1904 гадах займаў пасаду віленскага гарадскога архітэктара.
Пазней працаваў ва Уладзіміры, Таўрычаскай губерні і Сімферопалі.
З 1910 года займаў пасаду гродзенскага губернскага інжынера[3].
Для будынкаў, пабудаваных па праектах Караедава, характэрна масіўнасць і пышна дэкараваныя фасады, з выкарыстаннем элементаў неабарока і неарэнесанса.
У Вільні па праектах Караедава было пабудавана каля сарака будынкаў. Да найважнейшых ставяцца
Чатырохпавярховы дом Ісаака Смажаневіча з гасцініцай «Брыстоль», тэатральнай залай і крамамі, зімовым садам, кватэрамі (1899—1900) на Георгіеўскім праспекце (цяперашнім праспекце Гядзіміна, Gedimino per. 22-24) — адзін з самых раскошных будынкаў у горадзе.
Акрамя таго, архітэктару належаць праекты будынкаў бібліятэкі. М. Страшуна паміж Вялікай сінагогай(руск.) бел. і Яўрэйскай вуліцай (1896; не захавалася), прыбытковыя дамы Беньяміна Менакера на вуліцы Шапена (Šopeno g. 6, 1894), Гірша Янава на вуліцы Басанавічус (J. Basanavičiaus g. 16, 1897), Ізраіля Бунімовіча (J. Basanavičiaus g. 5, 1900; у якасці аб’екта рэгіянальнага значэння ахоўваецца дзяржавай, код у Рэгістры культурнай спадчыны Літоўскай Рэспублікі 288[4]), А Арэста (Vilniaus g. 2, 1897).
Рэканструяваў шэраг будынкаў; у прыватнасці, у 1898—1899 гадах рэканструяваў дом купца Ізраіля-Эліі Блоха на вуліцы Завальнай (цяпер Піліма, Pylimo g. 22). Будынак ўключаны ў Рэгістр культурнай спадчыны Літоўскай Рэспублікі ў якасці аб’екта рэгіянальнага значэння і ахоўваецца дзяржавай (код 12507[5].