У Вікіпедыі ёсць артыкулы пра іншых асоб з прозвішчам Сумар.
Канстанці́н Андрэ́евіч Су́мар (нар. 15 студзеня 1949, в. Вічын Лунінецкага раёна Брэсцкай вобласці, БССР) — беларускі дзяржаўны дзеяч, былы міністр па падатках і зборах Рэспублікі Беларусь (2001—2004), былы старшыня Брэсцкага аблвыканкама (2004—2014).
Скончыў у 1973 Гродзенскі сельскагаспадарчы інстытут па спецыяльнасці вучоны-аграном, у 1987 — Мінскую вышэйшую партыйную школу. Член-карэспандэнт БІА.
З 1970 — Інжынер-гідрамеліяратар калгаса ім. У. І. Леніна Лунінецкага раёна.
У 1971—1975 — працаваў галоўным аграномам, намеснікам старшыні калгаса «Шлях Леніна» Лунінецкага раёна.
У 1975—1981 — Старшыня калгаса «Світанак» Лунінецкага раёна.
У 1981—1991 — Першы намеснік старшыні выканаўчага камітэта Лунінецкага раённага Савета народных дэпутатаў, начальнік упраўлення сельскай гаспадаркі, другі, першы сакратар Брэсцкага райкама КПБ.
У 1991—1995 — Старшыня Брэсцкага раённага Савета народных дэпутатаў, старшыня Брэсцкага райвыканкама.
У 1996—1998 — Намеснік начальніка Службы кантролю Прэзідэнта Рэспублікі Беларусь, намеснік Старшыні Камітэта дзяржаўнага кантролю Рэспублікі Беларусь.
У 1998—2000 — Першы намеснік старшыні Мінскага аблвыканкама.
31 сакавіка 2000 быў прызначаны Старшынёй Дзяржаўнага падатковага камітэта Рэспублікі Беларусь[1], з 24 верасня 2001 года, калі Падатковы камітэт быў рэфармаваны ў Міністэрства па падатках і зборах, быў прызначаны Міністрам.[2]
9 сакавіка 2004 быў прызначаны Старшынёй Брэсцкага аблвыканкама,[3] а 27 снежня 2014 Указам Прэзідэнта быў вызвалены ад пасады.[4]
Абіраўся дэпутатам Вярхоўнага Савета Рэспублікі Беларусь дванаццатага склікання.
Абіраўся членам Савета Рэспублікі Нацыянальнага сходу Рэспублікі Беларусь трэцяга і чацвёртага скліканняў.
19 кастрычніка 2012 быў абраны членам Савета Рэспублікі Нацыянальнага сходу Рэспублікі Беларусь пятага склікання ад Брэсцкай вобласці (вылучаны ад Бярозаўскага раёна), член Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы.