Канстанцін Адамавіч Шастак (22 лютага 1935, в. Янавічы Нясвіжскі павет, Польская Рэспубліка — 2013) — беларускі гаспадарчы дзеяч, Герой Сацыялістычнай Працы (1988).
Скончыў Беларускі сельскагаспадарчы тэхнікум (1974). У 1952—1976 гадах працаваў у калгасе «Памяць Леніна». У 1976—1995 — брыгадзір жывёлагадоўчай фермы «Чырвоная Зорка» племзавода «Чырвоная Зорка». Пастаянна ажыццяўляў кантроль рацыянальнага выкарыстання кармоў і своечасовага кармлення скаціны. Вёў працу па павышэнні прадукцыйнасці дойнага статку. За час яго працы ферма «Чырвоная Зорка» неаднаразова выходзіла пераможцам у спаборніцтвах раёна і вобласці.
Дэлегат XXVII з’езда КПСС (1988).