Каляровая пустыня
Каляровая пустыня (англ.: Painted Desert) — шырокая частка паўночнаамерыканскага плато Каларада ў паўночнай частцы штата Арызона, ЗША. Пустынныя пагоркі распасціраюцца ў паўднёва-ўсходнім кірунку ад Гранд-Каньёна ўздоўж паўночнага берага ракі Літл-Каларада да Холбрука. Памеры вобласці складаюць прыкладна 240 на 25-80 км, плошча — 19,4 тыс. км². Вышыня мясцовасці — ад 1370 да 1980 м.
Раён часткова (усходняя частка) уваходзіць у нацыянальны парк Акамянелы лес і цалкам размешчаны на тэрыторыі паўаўтаномнай рэзервацыі «Нацыя наваха». Назва пустыні была ўпершыню выкарыстана ў 1858 лейтэнантам Джосефам Іўсам для апісання каляровых палос чырвонага, жоўтага, белага, блакітнага і бэзавага колеру. Гарачае паветра часам ператвараецца ў ружовы туман або фіялетавую смугу ад пылу пустыні.
Каляровая пустыня неўрадлівая і сухая, сярэднегадавая колькасць ападкаў складае 127—229 мм, а тэмпература змяняецца ад −31 да 41 °C.
Спасылкі
На Вікісховішчы ёсць медыяфайлы па тэме Каляровая пустыня
Катэгорыя·Пустыні Арызоны
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Славутасці ЗША