Ка́дзінскі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2008 года вёска) Кадзіна.
Утвораны 16 ліпеня 1954 года як Дарскі сельсавет у складзе Магілёўскага раёна Магілёўскай вобласці БССР шляхам аб’яднання скасаваных Таранаўскага і Шчэжарскага сельсаветаў, цэнтр — вёска Дары I[1]. 22 ліпеня 1960 года скасаваны, тэрыторыя ўвайшла ў склад новаўтворанага Вяйнянскага сельсавета[2].
15 студзеня 1965 года Дарскі сельсавет утвораны зноў з часткі Вяйнянскага сельсавета, у яго склад увайшлі 18 населеных пунктаў (Вялікая Бароўка, Гародня, Грышанава, Дары I, Дары II, Зімніца, Кадзіна, Латрошча, Любуж, Малая Бароўка, Мядзвёдаўка, Падбелле, Падгор’е, Раманавічы, Сідараўка, Таранава, Шчэжар I і Шчэжар II)[3]. 21 чэрвеня 1983 года цэнтр сельсавета перанесены з вёскі Дары I у вёску Кадзіна, сельсавет перайменаваны ў Кадзінскі[4]. 26 сакавіка 1987 года ў склад Нядашаўскага сельсавета перададзены 4 населеныя пункты (Дары I, Зімніца, Падгор’е і Сідараўка)[5]. 23 снежня 2009 года да сельсавета далучана частка скасаванага Брылеўскага сельсавета (6 населеных пунктаў: Брылі, Зылі, Каменка, Канстанцінаўка, Качурына, Малееўка)[6].
Насельніцтва сельсавета паводле перапісу 2009 года (12 населеных пунктаў) — 4710 чалавек[7], з іх 92,6 % — беларусы, 5,3 % — рускія, 0,9 % — украінцы[8].
Па стану на 2009 год у склад сельсавета ўваходзіла 12 населеных пунктаў, пасля рэарганізацыі – 18 населеных пунктаў (23.12.2009 г.):
Населены пункт | Статус | Насельніцтва, 2007 | Гаспадаркі, 2007 | Насельніцтва, 2009[7] |
---|---|---|---|---|
Брылі | вёска | 384* | 151* | 353* |
Вялікая Бароўка | вёска | 213 | 100 | 198 |
Гародня | вёска | 54 | 31 | 48 |
Зылі | вёска | 22* | 16* | 17* |
Кадзіна | аграгарадок | 1753 | 626 | 1781 |
Каменка | вёска | 23* | 13* | 19* |
Канстанцінаўка | вёска | 32* | 21* | 29* |
Качурына | вёска | 65* | 30* | 50* |
Латрошча | вёска | 10 | 7 | 4 |
Любуж | вёска | 101 | 46 | 121 |
Малееўка | вёска | 15* | 12* | 13* |
Мядзвёдаўка | вёска | 129 | 59 | 110 |
Падбелле | вёска | 76 | 38 | 67 |
Раманавічы | аграгарадок | 1330 | 491 | 1306 |
Таранава | вёска | 230 | 95 | 276 |
Чаромушкі | вёска | 397 | 155 | 428 |
Шчэжар 1 | вёска | 337 | 137 | 341 |
Шчэжар 2 | вёска | 36 | 22 | 30 |
* – да 23.12.2009 г. у Брылеўскім сельсавеце |
На 1 студзеня 1974 года ў складзе сельсавета было 17 населеных пунктаў[9].