КБ Якаўлева
ААТ «ВКБ імя А. С. ЯКАЎЛЕВА» (руск.: ОАО «ОКБ имени А. С. Яковлева») — авіяцыйнае прадпрыемства ў Расіі. Штаб-кватэра: г.Масква.
Асноўныя кірункі дзейнасці: распрацоўка і мадэрнізацыя канструкцый лятальных апаратаў. У 1927—2004 гадах было распрацавана больш за 200 тыпаў і мадыфікацый лятальных апаратаў, з іх больш за 100 — серыйных, выпушчана больш за 70 тысяч адзінак лятальных апаратаў, што з’яўляецца найбольшай колькасцю сярод вытворцаў у СССР/Расіі. З гэтага ліку каля 40 тысяч лятальных апаратаў былі выпушчаны ў час Вялікай Айчыннай вайны. Вядомыя прадукты: АІР-6, АІР-7, Як-3, Як-9, Як-40, Як-130 і іншыя.
Гісторыя
Датай заснавання прадпрыемства лічыцца 12 мая 1927 года, дата першага палёту самалёту АІР-1, створанага групай (35 чал.) у складзе Асавіяхіму пад кіраўніцтвам А. С. Якаўлева. У 1927—1931 групай былі распрацаваны 8 мадэляў самалётаў, у т.л. буйнасерыйны АІР-6. Поспехі групы сталі падставай для выдзялення яе (15.1.1934) ў асобнае вытворча-канструктарскае бюро, ператворанае ў хуткім часе ў завод #115. Першым начальнікам (1934—1978) быў прызначаны А.С. Якаўлеў.
Першы серыйны прадукт: АІР-2 (1928), першы буйнасерыйны: АІР-6 (1932).
Калектыў бюро быў узнагароджаны ордэнамі Леніна (1942), Чырвонага Сцяга (1944), Кастрычніцкай Рэвалюцыі (1981).
Спасылкі
На Вікісховішчы ёсць медыяфайлы па тэме КБ Якаўлева
Катэгорыя·Авіябудаўнічыя кампаніі Расіі
Катэгорыя·Вікіпедыя·Кампаніі без геаграфічных каардынат
Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
Катэгорыя·Кампаніі паводле алфавіта
Катэгорыя·Авіябудаўнічыя кампаніі СССР
Катэгорыя·Кампаніі, заснаваныя ў 1934 годзе