Зу́браўка, Зу́браўскае[1] — возера ў Беларусі, у Шчучынскім раёне Гродзенскай вобласці, за 33 км на паўночны захад ад горада Шчучын, за 1,9 км на паўночны захад ад вёскі Арлова Гара, каля вусця ракі Нявіша, у басейне ракі Котра.
Плошча паверхні 0,1 км². Даўжыня 0,58 км, найбольшая шырыня 0,2 км. Даўжыня берагавой лініі 1,32 км. Катлавіна возера рэшткавага тыпу[1], выцягнутая ў напрамку з паўночнага захаду на паўднёвы ўсход. Схілы катлавіны вышынёй 2—5 м, спадзістыя[1], пад лесам і хмызняком, на ўсходзе разараныя. Берагавая лінія слабазвілістая. У возера ўпадае меліярацыйны канал і на ўсходзе выцякае ручай у раку Котра.