Звычайны сарга́н, або Атлантычны сарган[1] (Belone belone) — марская рыба сямейства Сарганавыя (Belonidae).
Даўжыня народжанага саргана: 13 мм. Даўжыня дарослай асобіны: 100 см. Звычайны сарган — марская, статкавая, пелагічная рыба. Сарган мае вельмі выцягнутае і вузкае цела, якое нагадвае цела вугра або рыбы-іголкі. Луска вельмі дробная, перламутрава-бліскучая. Сківіцы вельмі выцягнутыя, утвараюць характэрную «дзюбу», якая нагадвае дзюбу птэрадактыляў. Маленькія вострыя зубы на дзюбе дазваляюць саргану падчас хуткага плавання хапаць дробную здабычу — кільку, хамсу, цюльку, ракападобных. У вялікай колькасці сарганы водзяцца ў Чорным і іншых морах.
Адрозніваюць шмат падвідаў.