Званко́ва — возера ў Гарадоцкім раёне Віцебскай вобласці, за 26 км на паўночны ўсход ад горада Гарадок, на паўночна-заходняй ускраіне вёскі Бярозна, у басейне ракі Аўсянка.
Плошча паверхні 0,067 км². Даўжыня 0,37 км, найбольшая шырыня 0,25 км. Найбольшая глыбіня 5,4 м, сярэдняя — 2,6 м. Даўжыня берагавой лініі 1,46 км. Аб’ём вады ў возеры 0,17 млн м³.
Схілы катлавіны вышынёй 3—5 м (на захадзе невыразныя), разараныя, на захадзе пад лесам. На захадзе выцякае ручай у раку Аўсянка.