Збігнеў Марцін Брудка (польск.: Zbigniew Marcin Bródka, нар. 8 кастрычніка 1984, Глоўна, Польшча) — польскі канькабежац, алімпійскі чэмпіён 2014 года на дыстанцыі 1500 м, бронзавы прызёр чэмпіянату свету ў каманднай гонцы (2013).
Дэбютаваў у Кубку свету ў 2008 годзе.
На Алімпійскіх гульнях 2010 года ў Ванкуверы ўдзельнічаў на дыстанцыі 1500 метраў і заняў 27-е месца.
У 2012 годзе заваёўваў прызавыя месцы на 500 метраў на чэмпіянатах ў класічным мнагабор’і, стаў другім на 500 м на чэмпіянаце Еўропы (12-е выніковае месца) і выйграў 500 м на чэмпіянаце свету (11-е выніковае месца).
У 2013 годзе выйграў Кубак свету на дыстанцыі 1500 метраў, у складзе каманды Польшчы заняў трэцяе месца на чэмпіянаце свету ў каманднай гонцы.
На зімовых Алімпійскіх гульнях 2014 года перамог на дыстанцыі 1500 метраў, толькі на 0,003 секунды апярэдзіўшы галандца Куна Вервея.[1] Залаты медаль Збігнева стаў першай алімпійскай узнагародай вышэйшай вартасці ў гісторыі канькабежнага спорту Польшчы.