Зборная Кыргызстана па футболе (кірг.: Кыргызстан улуттук футбол курамасы) — нацыянальная зборная, якая прадстаўляе Кыргызстан на міжнародных турнірах і матчах па футболе. Кіруючая арганізацыя — Федэрацыя футбола Кыргызскай Рэспублікі. З 1994 года з’яўляецца паўнапраўным членам АФК і ФІФА, а таксама членам ФАЦА.
Найвышэйшае месца ў рэйтынгу ФІФА зафіксавана ў красавіку 2018 года, калі зборная займала 75-е месца. Самае нізкае месца зафіксавана ў сакавіку 2013 года, калі зборная займала 201-е месца.