Зборная Афганістана па футболе прадстаўляе Афганістан на міжнародных спаборніцтвах па футболе. Кантралюецца Футбольнай федэрацыяй Афганістана. Была заснавана ў 1922 годзе. У 1944 годзе далучылася да ФІФА, а ў 1954 да Азіяцкай канфедэрацыі футбола. Найлепшае выступленне было на Азіяцкіх гульнях 1951 года, на якіх каманда заняла чацвёртае месца. З 1984 па 2003 год зборная не правяла ніводнай міжнароднай сустрэчы і апусцілася да 173 месца ў сусветным рэйтынгу ФІФА.