wd wp Пошук: ⬜

Захарый

У Вікіпедыі ёсць артыкулы пра іншых людзей з імем Захара.

Захарый — іерусалімскі святар, бацька Іаана Хрысціцеля. Паводле Бібліі, належаў да святарскага іудзейскага роду і да самай старасці быў бяздзетным. Калі ж яму ў храме было «відзенне» анёла, які паведаміў яму пра чакаемае нараджэнне сына, Захарый усумніўся, за што быў пакараны нематою і пазбаўлены ад яе толькі пасля нараджэння сына.

Царкоўнае шанаванне

Памяць адзначаецца разам з яго жонкай Лізаветай:

у праваслаўнай царкве шануецца як прарок — 18 верасня (5 верасня па старым стылі);
у лютэранскай царкве — 5 верасня;
у каталіцкай царкве — 23 верасня.

Лічыцца што дом, дзе жыў Захарый і дзе нарадзіўся яго сын Іаан Хрысціцель быў размешчаны ў прадмесці Іерусаліма Эйн-Карэме. На гэтым месцы ў наш час пабудаваны францысканскі кляштар «Святы Іаан на горах»

Наконт месцазнаходжання мошчаў Захарыя існуюць розныя меркаванні:[1]

у праваслаўнай традыцыі лічыцца, што іх у 415 годзе перанеслі з Іерусаліма ў канстанцінопальскі храм Багародзіцы побач са Святой Сафіяй (пра знаходжанне іх там паведамляе «Ананім Меркаці» — лацінскае апісанне Канстанцінопаля XII стагоддзя). Пры гэтым паломнік Іаан Фока ў 1185 годзе бачыў грабніцы з мошчамі Захарыя і Лізаветы ў севастыйскай царкве Іаана Прадцечы, пабудаванай на месцы яго вязніцы. У наш час мошчы (ці іх частка) знаходзяцца ў афонскім манастыры Канстаманіт;
у каталіцкай традыцыі лічыцца, што месцам знаходжання мошчаў Захарыя з’яўляецца Латэранская базіліка ў Рыме і царква Сан-Закарыа ў Венецыі.

Зноскі

↑ Э. В. Шевченко Захария // Православная энциклопедия. Том XIX. — М.: Церковно-научный центр «Православная энциклопедия», 2008. — С. 680-686. — 752 с. — 39 000 экз. — ISBN 978-5-89572-034-9

Спасылкі

На Вікісховішчы ёсць медыяфайлы па тэме Захарый