.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Зафарула Хан Джамалі (1 студзеня 1944, Карачы — 2 снежня 2020, Равалпіндзі, Пакістан) — пакістанскі дзяржаўны дзеяч. Быў 13-м прэм’ер-міністрам Пакістана і старшынём Фэдэрацыі хакею Пакістана.
Нарадзіўся ў горадзе Дэра-Мурад-Джамалі, правінцыя Белуджыстан Пасля таго як атрымаў пачатковую адукацыю, паступіў у Lawrence College. Пазней атрымаў ступень магістра па гісторыі ва ўрадавым каледжы горада Лахор.
Зафарула Хан Джамалі пачаў сваю палітычную кар’еру ў якасці члена Пакістанскай народнай партыі, да якой ён далучыўся ў 1970-х гадах. Ён быў абраны членам правінцыйнай асамблеі Белуджыстан у 1977 годзе, дзе займаў пасаду міністра харчавання, інфармацыі і парламенцкіх спраў у Кабінеце міністраў.
Джамалі быў адным з прэтэндэнтаў на прэм’ерства пасля выбараў 1985 года. Іншымі прэтэндэнтамі на месца прэм’ер-міністра былі Мухамад Хан Джунеджа і Ілахі Сумро. Генерал Мухамед Зія-уль-Хак прыняў рашэнне прызначыць Джунеджа на пасаду прэм’ер-міністра. Джамалі прызначылі на пасаду міністра водных рэсурсаў і энергетыкі.
З 1975 па 2000 год ён шмат падарожнічаў па Еўропе, ЗША, Аўстраліі, Афрыцы, Далёкім і Блізкім Усходзе. Джамалі прадстаўляў Пакістан у сесіі Арганізацыі Аб’яднаных Нацый у 1980 і 1991 гадах.