Зарубінкі
Зарубінкі (руск.: Зарубинки) — вёска ў Смаленскім раёне Смаленскай вобласці Расіі. Уваходзіць у склад Валокаўскага сельскага паселішча. Насельніцтва — 23 жыхары 3(2007).
Геаграфія
.JPG)
Размешчана ў заходняй частцы вобласці за 36 км на паўночны захад ад Смаленска, за 10 км на поўнач ад аўтадарогі Р120 Арол — Віцебск. За 8 км на поўдзень ад вёскі знаходзіцца чыгуначная станцыя Пасялковая на лініі Смаленск — Віцебск.
Гісторыя
25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.
У гады Вялікай Айчыннай вайны вёска была акупавана нямецкімі войскамі ў ліпені 1941 года, вызвалена ў верасні 1943 года[1].
Славутасці
- Царква Міхаіла Архангела. Пабудавана ў 1905—1913 гг.
Цікавыя факты
У гутарцы з маладымі палітыкамі і грамадскімі дзеячамі ў 2015 годзе прадстаяцель РПЦ Патрыярх Кірыл сказаў: «У мяне ў беднай Смаленскай епархіі ёсць самы бедны прыход у сяле Зарубінкі. Там святар жыць не можа, таму што грошай няма. Калі спытаеце, кім вы жадаеце стаць — настаяцелем у Зарубінках ці прэзідэнтам РФ, я ніводнай хвіліны не задумаюся і скажу: настаяцелем у Зарубінках».
Зноскі
- ↑ Вызваленне Смаленшчыны./Энцыклапедыя Смаленскай вобласці Архівавана 27 жніўня 2016.
Катэгорыя·Населеныя пункты Смаленскага раёна (Смаленская вобласць)
Катэгорыя·Населеныя пункты паводле алфавіта
Катэгорыя·Артыкулы пра населеныя пункты без катэгорыі на Вікісховішчы
Катэгорыя·Нявызначаная краіна (тэлефонны код)
Катэгорыя·Населеныя пункты без насельніцтва