Замак Фелін
Замак Фелін, або Вільяндзі — (ням.: Fellin, эст.: Viljandi loss) — замак Тэўтонскага ордэна, будаўніцтва якога было распачата ў 1224 годзе на месцы былога гарадзішча. Замак з’яўляўся адным з самых магутных у Лівоніі. Цалкам знішчаны падчас войнаў Швецыі з Рэччу Паспалітай напачатку XVII стагоддзя. У наш час руіны замка з’яўляюцца ўлюблёным месцам адпачынку гараджан і гасцей горада Вільяндзі.
Гісторыя
Крыжакі Ордэна мечнікаў захапілі гарадзішча, на месцы якога ў 1223 годзе і быў пабудаваны замак. Годам пазней было распачата ўзвядзенне каменных умацаванняў. Фелін быў ыбраны ў якасці сталіцы ордэна.
Замак-канвента — тыповая пабудова для Тэўтонскіх рыцараў быў узведзены ў канцы XIII — пачатку XIV стагоддзяў. У наступныя стагоддзі замак перабудоўваўся і ўмацоўваўся.
Замак быў пашкоджаны падчас аблогі 1560 года рускімі войскам, але яшчэ вялікія пашкоджанні яму нанесла аблога 1602 года польска-літоўскімі войскамі падчас войнаў Швецыі з Рэччу Паспалітай, пасля якой ён больш не аднаўляўся. У XVIII стагоддзі руіны былі выкарыстаны як каменяломня для будаўніцтва горада.
Першыя раскопкі ў замку былі праведзены ў 1878—1879 гадах. У апошнія ж дзесяцігоддзі раскопкі праводзяцца штогод.
У наш час руіны сталі папулярным месцам адпачынку ў цэнтральнай частцы Вільяндзі. У былым цэнтральным двары размяшчаецца сцэна на адкрытым паветры.
Гл. таксама
- Спіс замкаў Эстоніі
- Аблога Феліна, 1560 — аблога і ўзяцце Феліна рускімі войскамі падчас Лівонскай вайны
- Аблога Феліна, 1602 — аблога і ўзяцце Феліна польска-літоўскімі войскамі падчас Польска-шведскай вайны 1600—1611 гадоў
Спасылкі
На Вікісховішчы ёсць медыяфайлы па тэме Замак Фелін- Навуковыя запіскі Імператарскай акадэміі навук за 1852 год па першым і трэцім аддзяленням. Т. 2, вып. 5. Храналагічная табліца
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Замкі паводле алфавіта
Катэгорыя·Замкі Эстоніі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вільяндзі (горад)