Замак Кібург
Кібург (ням.: Kyburg) — сярэднявечны замак у Швейцарыі, на поўдзень ад горада Вінтэртур, кантон Цюрых.
Замак размешчаны на беразе ракі Тос. Упершыню Кібург згадваецца ў 1027 годзе пад імем Квігебург (ням.: Chuigeburg — замак кароў). Графы Кібург у раннім Сярэднявеччы былі аднымі з найбольш уплывовых феадалаў сучаснай Швейцарыі, саступаючы толькі Габсбургам і Савойскаму дому.
Пасля смерці ў 1264 годзе апошняга графа Кібурга, замак і ўладанні графаў перайшлі да Рудольфа I Габсбурга і былі ўключаны ў склад Аўстрыйскай манархіі.
У XV стагоддзі графства Кібург было набыта ў Габсбургаў вольным горадам Цюрых. Да 1831 года ў замку знаходзілася рэзідэнцыя вярхоўнага бальі Цюрыха, пасля чаго замак быў прададзены з аўкцыёну. Новыя ўладальнікі Кібурга арганізавалі ў замку музей і выставачны цэнтр.
У 1917 годзе кантон Цюрых ізноў выкупіў Кібург і з 1999 года замак перададзены ў распараджэнне Грамадскога музея «Замак Кібург»
Спасылкі
Тэмы гэтай старонкі (3):Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Замкі Швейцарыі
Катэгорыя·Цюрых (кантон)