Залімхан Анварбегавіч Дундараў (нар. 28 сакавіка 1958, с. Нажай-Юрт, Нажай-Юртаўскі раён, Чачня, Расія) — беларускі ўрач-хірург. Доктар медыцынскіх навук (2003), прафесар (2006). Член Беларускай асацыяцыі хірургаў (1986), Расійскага таварыства хірургаў-гастраэнтэролагаў (2007).
Скончыў 2-і Маскоўскі дзяржаўны медыцынскі інстытут (спецыяльнасць «Лячэбная справа», 1981).
Працаваў у Гомельскай абласной бальніцы (1981—1991, урач-хірург), Гомельскім дзяржаўным медыцынскім універсітэце (з 1991, лячэбны факультэт, кафедра хірургічных хвароб № 2, прафесар, з 1995 — загадчык кафедры).
Навуковыя інтарэсы: гепатапанкрэатабіліярная хірургія; хірургічная гастраэнтэралогія; гнойная хірургія.
Нагрудны знак «Выдатнік аховы здароўя Рэспублікі Беларусь» (2004).