wd wp Пошук: ⬜

Жорж Дзюменіль дэ Латур

У Вікіпедыі ёсць артыкулы пра іншых асоб з прозвішчам Латур.

Жорж Дзюменіль дэ Латур, таксама Ла Тур (фр. Georges de La Tour; 1593 — 30 студзеня 1652) — французскі жывапісец з Латарынгіі.

Нарадзіўся ў Вік-сюр-Сей (дэпартамент Мозель) і жыў паблізу Люнеўмля (дэпартамент Мёрт і Мозель) да самай сваёй смерці. Творчасць майстра, забытая пасля яго скону, была зноў адкрыта толькі ў 1940-я гады. Для яго карцін характэрная геаметрычна строгая кампазіцыя і напружанасць рэлігійнага пачуцця. Акрамя некалькіх дакументаў, якія змяшчаюць звесткі аб яго жаніцьбе ў 1621, аб прызначэнні афіцыйным мастаком Люневіля ў 1644 і галоўным жывапісцам караля ў 1646, няма ніякай інфармацыі аб жыцці майстра. Ніводны з яго твораў не можа быць датаваны з поўнай дакладнасцю.

Карціны Латура звычайна ўяўляюць сабой асветленыя полымем свечкі начныя сцэны, напісаныя ў манеры Караваджа. Мастак любіў маляваць біблейскіх персанажаў у абліччы жабракоў і сялян, ствараць кампазіцыі, персанажы якіх асвятляліся адзінай крыніцай — свечкай. Тыповымі для яго творчасці з’яўляюцца такія працы, як «Нованароджаны» (Рэн, Музей выяўленчых мастацтваў), «Пакланенне пастухоў» (Луўр), «Пакутніцтва св. Себасцьяна» (Берлін-Далем, Дзяржаўныя музеі), «Журботная Магдалена» (Нью-Ёрк, музей Метраполітэн), «Адрачэнне апостала Пятра».

Гл. таксама

На Вікісховішчы ёсць медыяфайлы па тэме Жорж Дзюменіль дэ Латур

Зноскі

1 2 Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ Georges de la Tour // Internet Speculative Fiction Database — 1995. Праверана 9 кастрычніка 2017.
1 2 https://data.bnf.fr/ark:/12148/cb11938172j
↑ https://rkd.nl/en/explore/artists/48243
↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
1 2 https://rkd.nl/explore/artists/48243

Літаратура

БЭ ў 18 тамах. Т.9, Мн., 1999, С. 154
Jamot P. Georges de La Tour. Paris: Floury, 1948
L’opera completa di Georges de La Tour. Milano: Rizzoli, 1973
Nicolson B., Wright C. Georges de La Tour. London: Phaidon Press, 1974
Thuilier J. Georges de La Tour. Paris: Flammarion, 1992
Quignard P. Georges de La Tour. Paris: Galilée, 2005

Спасылкі

Жорж Дзюменіль дэ Латур. Карціны і біяграфія