Жан Ануй, таксама Ануйль[2] (фр.: Jean Anouilh; 23 чэрвеня 1910 — 3 кастрычніка 1987) — французскі драматург і сцэнарыст, бачны дзеяч французскай літаратуры XX стагоддзя.
Жан Ануй нарадзіўся 23 чэрвеня 1910 года ў невялікай вёсцы каля Бардо ў сям’і краўца і скрыпачкі. Па нацыянальнасці баскаў.
У 15 гадоў Жан Ануй прыехаў у Парыж, дзе скончыў школу. Пасля заканчэння школы некаторы час вывучаў права ў Сарбоне, пісаў кароткія гумарыстычныя сцэнарыі для кіно. У 1928 годзе ён ажаніўся з актрысай Манель Валянцін. З пачатку 30-х гадоў Ануй працуе сакратаром рэжысёра Луі Жуве.
Ануй памёр у 1987 годзе ва ўзросце 77 гадоў у сваім доме ў Лазане.