Жанна Луіза Отэрдаль (шведск.: Jeanna Oterdahl; 9 жніўня 1879, Удэвала, Швецыя — 27 ліпеня 1965) — шведская пісьменніца.
Працавала настаўніцай шведскай мовы ў Гётэбаргу з 1901 па 1935 год, была выкладчыкам і актывісткай руху квакераў.
Аўтар шматлікіх кніг для дзяцей і юнацтва. Пісала раманы, казкі, апавяданні, псалмы, дзіцячыя вершы, некаторыя з якіх рабіліся песнямі і заставаліся папулярнымі цягам усяго ХХ стагоддзя, і інш. У 1959 годзе была ўзнагароджана медалём Нільса Хольгерсана.
Памерла 27 ліпеня 1965 года. Пахаваная ў Гётэбаргу на Усходніх могілках.