Жак Лінар (фр.: Jacques Linard; 1597, Труа — 1645, Парыж) — французскі мастак эпохі барока, майстар нацюрморта.
Ахрышчаны 6 верасня 1597 года ў царкве Сен-Рэмі горада Труа. Бацька Жака быў таксама мастаком, аднак з ягоных прац нічога не захавалася. Сын сястры Ж. Лінара, Нікала Бадэсан, таксама быў мастаком, які пісаў нацюрморты.
У сакавіку 1626 года заручыўся з Маргарытай Трэгуар, дачкой мастака Рамэна Трэгуара. У 1629 годзе пераехаў у Парыж. У адным з маёмасных дакументаў ад 17 мая 1631 года прадставіўся як мастак і каралеўскі камердынер (peintre et valette de chambre du roi).
Пахаваны 12 верасня 1645 года на могілках пры парыжскай царкве Сен-Нікаля-дэ-Шамп.