Жак Ле Гоф (фр. Jacques Le Goff) (нар. 1 студзеня 1924), г. Тулон — французскі гісторык-медыявіст, адзін з яскравых прадстаўнікоў «Новай гісторыі», якая выйшла са школы «Аналаў». Застаўся адданым прыхільнікам татальнай гісторыі.
Спецыяліст па ХІІІ стагоддзі, аўтар біяграфій Людовіка ІХ Святога і Францыска Асізскага. Агностык Ле Гоф займае нейтральную пазіцыю між рэлігійнай апалогіяй і атэістычнай крытыкай Сярэднявечча. Прыхільнік канцэпцыі Сярэднявечча як асобнай цывілізацыі, адрознай ад антычнай і ад новаеўрапейскай.