Ева Фрэдрыка Боніер (шведск.: Eva Bonnier; 17 лістапада 1857, Стакгольм — 13 студзеня 1909, Капенгаген) — шведская мастачка, мецэнат.
Разам са сваёй сяброўкай, мастачкай-партрэтысткай Ханнай Хірш, Ева Боніер з 1883 па 1889 гады вучылася ў Парыжы. Яе карціна «Музыка»
(1889) была адзначана ў Парыжскім салоне. Пасля вяртання ў 1889 годзе ў Швецыю яна да 1900 года малявала ў асноўным партрэты.
Сярод работ мастачкі гэтага часу: аўтапартрэт, партрэт Лісьен Боніер (Lisen Bonnier), партрэты шведскага вучонага Хьялмара Лундбома (Hjalmar Lundbohm), палітыка Морыца Рубенсана (Moritz Rubenson) і іншых.
Адной з апошніх карцін мастачкі з’яўляецца карціна «Краўчыхі» (1887).
Ева Боніер была членам Шведскай Асацыяцыі Мастакоў, некаторы час ўваходзіла ў кіраванне Асацыяцыі.
У 1900-х гадах Ева на атрыманую спадчыну занялася дабрачыннай дзейнасцю. Яна заснавала фонд добраўпарадкавання Стакгольма, на сродкі якога ствараліся творы мастацтва, прызначаныя для ўпрыгожвання прысутных месцаў, такіх як Нацыянальная бібліятэка Швецыі, Стакгольмскі ўніверсітэт, Стакгольмскія школы і інш.
Ева Боніер памерла 13 студзеня 1909 года. У цяперашні час карціны мастачкі захоўваюцца ў Нацыянальным музеі Швецыі ў Стакгольме і ў прыватных калекцыях.