Дэніс Калверт (нідэрл. Denijs Calvaert, або Caluwaert, італ. Dionisio Fiammingo, Дыянізіа Фламандзец, каля 1540, Антверпен — 1619, Балоння) — італьянскі мастак балонскай школы, па паходжанні — фламандзец.
З 1570 працаваў у Балонні, з 1572 года — у Рыме. У 1574 годзе вярнуўся ў Балонню, адкрыў там уласную школу, сярод вучняў якой — Даменікіна, Франчэска Альбані, Гвіда Рэні. Глыбока вывучаў анатомію, архітэктуру, гісторыю. Пад яго ўплывам склалася школа Карачы, якая сапернічала з ім у Балонні. Многія яго творы былі пераведзены ў гравюры, і галоўным сярод гравёраў быў мастак з дынастыі Карачы, Анібале.