wd wp Пошук:
    ⬜

    Дом Локшына

    Дом Локшына — будынак у гістарычным цэнтры Магілёва. Размешчаны па Ленінскай вуліцы, 10.

    Гісторыя

    Пабудаваны ў канцы ХІХ ст. на вул. Вялікай Садовай як жылы будынак. Належаў Локшыну. Верхні паверх займалі жылыя кватэры, на ніжнім размяшчаўся шэраг крам[1].

    У 1920-х гг. будынак нацыяналізаваны. Выкарыстоўваўся як жылы. На пачатку 1990-х гг. былі праведзены рэканструкцыя і капітальны рамонт МЖК. Цяпер гэта жылы дом, на першым паверсе якога размешчана гарадская арганізацыя воінаў-інтэрнацыяналістаў[1].

    Архітэктура

    Дамы № 6, 8, 10
    Дваровы фасад

    Дамы № 6, 8, 10 з’яўляюцца адзіным комплексам забудовы, які галоўным фасадам выходзіць на чырвоную лінію забудовы вул. Ленінскай. Дом № 10 уяўляе сабой трохпавярховы, прамавугольны ў плане будынак з праезнай аркай з цыліндрычным скляпеннем (закладзена). У афармленні фасадаў выкарыстаны рустоўка, карнізныя паяскі, прамавугольныя падаконныя нішы. На першым і другім паверхах аконныя праёмы прамавугольныя, на трэцім — арачныя з ліштвамі[2]. Цэнтр фасада акцэнтаваны двума балконамі на другім паверсе і двума балконамі — на трэцім паверсе[1]. Будынак завершаны тонкапрафіляваным карнізам[2] і франтонам з трыма арачнымі вокнамі[1]. Унутраная планіроўка зменена[2].

    Зноскі

    1. 1 2 3 4 kropki.by — інтэрактыўная мапа Магілёва
    2. 1 2 3 Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

    Літаратура

    Спасылкі

    Тэмы гэтай старонкі (7):
    Катэгорыя·Будынкі і збудаванні Магілёва
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·XIX стагоддзе ў Магілёве
    Катэгорыя·Стары горад (Магілёў)
    Катэгорыя·З’явіліся ў XIX стагоддзі
    Катэгорыя·Гісторыка-культурныя каштоўнасці Рэспублікі Беларусь
    Катэгорыя·Ленінская вуліца (Магілёў)