Длабока
Длабока (макед.: Длабока река, алб.: Përroi i Thellë, літаральна азначае «Глыбокая рака») — рака ў заходняй частцы Паўночнай Македоніі ў рэгіёне «Горная рака». Левы прыток ракі Рыбнічка, якая з’яўляецца адным з найбуйнейшых прытокаў ракі Радзікі[1]. Бярэ выток высока ў гарах (г. Кораб, 2764 м), на тэрыторыі нацыянальнага парка Маўрава, утварае глыбокую трогавую (U-падобную) даліну.
Непадалёк ад вытока ракі знаходзіцца Корабскі вадаспад вышынёй 136 м – самы высокі ў Паўночнай Македоніі (каардынаты).
Рака і яе даліна сфармаваліся пад уплывам ледавікоў падчас апошняга абледзянення.
Даліна Длабокі з’яўляецца адзіным у Паўночнай Македоніі месцам, дзе пануе альпійскі клімат[2].
Рака працякае каля закінутага сяла Жужнэ, потым даліна ракі звужаецца, утвараючы каньён паміж сёламі Ністрава і Бібай (Бібанне), пасля чаго ўпадае ў раку Рыбнічку.
На аб’ём вады істотна ўплывае таянне снягоў і ільда на ўсходнім баку піка Мал-Кораб. Самая высокая хуткасць цячэння і найбольшы паток вады назіраецца ў канцы мая – пачатку чэрвеня.
Галерэя
Даліна ракі Длабокі
Корабскі вадаспад і рака Длабока
Рачны струмень
Зноскі
- ↑ Apostolski, Mihailo (1984) (in Macedonian). Prirodni i socio-geografski karakteristiki na zonite na nomadskite i polunomadskite stočarski dviženja vo Makedonija. Macedonian academy of Sciences and Arts.
- ↑ Михаило Зиков, Клима и климатска регионализација во Република Македонија, „Географски разгледи“, бр. 30, Скопје, 1995
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Рэкі Паўночнай Македоніі
Катэгорыя·Рэкі паводле алфавіта
Катэгорыя·Артыкулы пра рэкі без даўжыні