У Вікіпедыі ёсць артыкулы пра іншых асоб з прозвішчам Навіцкі. Дзірк Вернер Навіцкі (ням.: Dirk Werner Nowitzki; 19 чэрвеня 1978, Вюрцбург, Баварыя, ФРГ) — нямецкі прафесійны баскетбаліст, які выступае за каманду Нацыянальнай баскетбольнай асацыяцыі «Далас Маверыкс». Самы каштоўны гулец (MVP) рэгулярнага сезону НБА 2006/2007. У 2011 годзе прывёў каманду да свайго першага ў гісторыі чэмпіёнскага тытулу, стаўшы самым каштоўным гульцом фінальнай серыі. У складзе зборнай Германіі станавіўся лепшым снайперам чэмпіянатаў свету і Еўропы. Дзірк Навіцкі валодае пастаўленым кідком з добрай рэалізацыяй з блізкай і далёкай дыстанцый. Ён можа выступаць на пазіцыях: лёгкага форварда, цяжкага форварда, цэнтравога.