«Дзіпрасельбуд» — колішняе дзяржаўнае навукова-даследчае прадпрыемства Міністэрства архітэктуры і будаўніцтва Рэспублікі Беларусь. Размяшчалася ў будынку па адрасе вуліца Веры Харужай, 29.
Заснаваны ў 1945 годзе ў Мінску як Беларускі дзяржаўны інстытут праектавання сельскага будаўніцтва («Белсельпраект») з мэтай распрацоўкі праектна-каштарыснай дакументацыі і жыллёва-грамадзянскага будаўніцтва на вёсцы. З 1958 года Беларускі дзяржаўны інстытут праектавання сельскагаспадарчага будаўніцтва («Белдзіпрасельбуд»). У 1971 пераўтвораны ў навукова-даследчы і праектны інстытут «БелНДІдзіпрасельбуд». 3 1995 года «Дзіпрасельбуд».
Ліквідавана 10 студзеня 2015 года.
Асноўныя кірункі дзейнасці: правядзенне навуковых даследаванняў і распрацоўка праектна-каштарыснай дакументацыі для аб’ектаў сацыяльна-культурнага прызначэння, вытворчых і невытворчых магутнасцей, жыллёвага будаўніцтва.