«Дзікія гісторыі» (ісп.: Relatos salvajes) — аргенціна-іспанскі мастацкі фільм 2014 года рэжысёра Даміяна Сіфрона[en][6].
Шмат хто пакрыўдзіў Габрыэля Пастэрнака за яго жыццё, але аднойчы ўсе яны апынуліся ў адным самалёце. Афіцыянтка маленькай рэстарацыі пазнала ў чарговым наведвальніку чыноўніка-карупцыянера, што калісьці давёў яе бацьку да самагубства. Дыега смачна аблаяў кіроўцу на старым аўто, які перашкаджаў сябе абагнаць, але праз некалькі кіламетраў у яго машыны спусціла кола. Машыну інжынера-падрыўніка неабгрунтавана эвакуююць і прымушаюць яго заплаціць буйны штраф. Гэтая падзея фатальна ўплывае на ўсе сферы яго жыцця. Малады хлопец збівае на дарозе цяжарную жанчыну і просіць свайго багатага бацьку дапамагчы пазбегнуць адказнасці. На сваім вяселлі нявеста выпадкова даведваецца, што яе муж здраджваў ёй з адной з госцяў. Усе гэтыя гісторыі займелі нечаканы, дзікі працяг
Паводле інфармацыі сайта «Internet Movie Database» фільм быў адзначаны 48 кінаўзнагародамі і яшчэ 58 намінацыямі[8].