Дзівасы (руск.: Дивасы) — вёска ў Смаленскай вобласці Расіі, у Смаленскім раёне.
Размешчана ў заходняй частцы вобласці за 9 км на паўночны захад ад Смаленска ля аўтадарогі M1. Насельніцтва — 465 жыхароў (2007). Адміністрацыйны цэнтр Дзівасаўскага сельскага паселішча.
25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.
Асфальтабетонны завод, АТ «імя Мічурына» (был. сўх. імя Мічурына), АТ «Расбелдарбуд», ДРБУ аўтадарогі «Беларусь».
Па паўночнай ускраіне вёскі праходзіць федэральная аўтамабільная дарога М1 «Беларусь». Дзівасы звязаны са Смаленскам прыгарадным аўтобусным маршрутам №131.