У Вікіпедыі ёсць артыкулы пра іншых асоб з прозвішчам Бірукоў.
Дзмітрый Андрэевіч Бірукоў (руск.: Дмитрий Андреевич Бирюков; 19 жніўня [1 верасня] 1904, Новачаркаск, Расійская Імперыя — 8 студзеня 1969) — савецкі фізіёлаг, акадэмік АМН СССР.
Нарадзіўся ў Новачаркаску. У 1927 годзе скончыў універсітэт у Растове-на-Доне. У 1928 годзе на запрашэнне Івана Паўлава пераехаў у Маскву, працаваў у інстытуце фізіялогіі АН СССР. Працаваў Дзмітрый Бірукоў да 1935 года, пасля чаго з 1935 года пайшоў на павышэнне — узначальваў кафедры фізіялогіі ў ВНУ Растова-на-Доне, Варонежа, Масквы і Ленінграда.
У 1944 годзе становіцца дырэктарам Варонежскага медыцынскага інстытута. Гэтую пасаду ён займаў да 1949 года. З 1950-па 1969 год загадваў аддзелам параўнальнай фізіялогіі і паталогіі, а таксама з’яўляўся дырэктарам інстытута эксперыментальнай медыцыны АМН СССР. Памёр 8 студзеня 1969 г., пахаваны на Багаслоўскіх могілках (пляцоўка Ваенна-Медыцынскай акадэміі) Ленінграда.