Джэлал ад-Дзін (татар.: Cäläletdin; 1380—1412) — хан Залатой Арды ў 1411—1412 гадах, адзін з сыноў Тахтамыша.[1]
Пасля захопу ўлады ў Залатой Ардзе Едыгеем сыны Тахтамыша перайшлі на бок вялікага князя маскоўскага Васіля Дзмітрыевіча, які жадаў выкарыстаць іх для адпору войску Едыгея. Патрабаванні Едыгея выдаць сыноў Тахтамыша вялікі князь ігнараваў. Хутка Джэлал ад-Дзін з братамі паехаў у Літву да Вітаўта, які аказаў братам вялікую падтрымку. Крымска-татарская конніца на чале з Джэлал ад-Дзінам прыняла ўдзел у Грунвальдскай бітве, якая адбылася ў 1410 годзе.[2][3]