Джэймс Тарэл (англ.: James Turrell; нар. 6 мая 1943, Лос-Анджэлес, ЗША) — сучасны амерыканскі мастак.
Творчасць Тарэла прысвечана вывучэнню святла і прасторы. Кожная інсталяцыя актывізуе сэнсарнае ўспрыманне, якое спрыяе адкрыццю: што здавалася, напрыклад, кубам, у рэчаіснасці – дзве светлавыя плоскасці праецуемага святла, а чорны квадрат на столі – партал у начное неба. Творчасць Тарэла знаходзіцца недзе паміж лагічным дыскурсам і чыстым назіраннем. Мастак стварае працы, якія сведчаць аб разыходжанні паміж веданнем і ўспрыманнем.