У Вікіпедыі ёсць артыкулы пра іншых асоб з прозвішчам Скот.
Джордж Кэмпбел Скот (англ.: George Campbell Scott, 18 кастрычніка 1927 — 22 верасня 1999) — амерыканскі акцёр, рэжысёр і прадзюсар, уладальнік прэміі «Оскар» і першы акцёр, які адмовіўся ад гэтай прэміі. Скот быў вельмі папулярны дзякуючы ролям на тэатральнай сцэне і поспехам у кіно, запомніўшыся па фільмах «Махляр», «Доктар Стрэйнджлаў, або Як я перастаў баяцца і палюбіў бомбу» і «Патан».
Быў вядомы таксама сваім непублічным характарам і своеасаблівым стаўленнем да кінаўзнагарод: напрыклад, Скот адмовіўся нават ад намінацыі на «Оскар» у 1962 годзе за ролю нягодніка-менеджара ў драме «Махляр», а праз дзевяць гадоў, выйграўшы «Оскар» за стварэнне галоўнай ролі генерала Патана ў аднайменным баевіку, вярнуў яе акадэмікам.