Джордж Генры Дэрн (англ.: George Henry Dern; 8 верасня 1872, Додж, штат Небраска — 27 жніўня 1936, Вашынгтон, акруга Калумбія) — амерыканскі палітычны дзеяч, член Дэмакратычнай партыі ЗША. Займаў пасады губернатара штата Юта (1925—1933) і ваеннага міністра ЗША з 1933 года да сваёй смерці. Дзед акцёра Бруса Дэрна.
Дэрн вучыўся ў штаце Небраска, а затым працаваў у горназдабыўной прамысловасці ў штаце Юта. Ён прымаў удзел у распрацоўцы печы Холт-Дэрна, якая выкарыстоўваецца пры здабычы карысных выкапняў.
Дэрн змяніў у 1925 годзе Чарлза Мэйбана на пасадзе губернатара штата Юта, а яго змяніў у 1933 годзе Генры Блад.
Як ваенны міністр пры Франкліне Рузвельце Дэрн адказваў за рэфармаванне арміі ў адпаведнасці з Новым курсам і за стварэнне Грамадзянскага корпуса аховы навакольнага асяроддзя. Дэран памёр у сваім кабінеце ў 1936 годзе.