Джон Клаўзер (англ.: John Francis Clauser; нар. 1 снежня 1942, Пасадэна, ЗША) — амерыканскі фізік, спецыяліст па квантавай механіцы. Лаўрэат Нобелеўскай прэміі па фізіцы (2022).
У 1960-я-1970-я гады займаўся мадыфікацыямі няроўнасцей Бела, якія вядомыя пад назвамі Бела — Клаўзера — Хорна і Клаўзера — Хорна — Шымоні — Холта. Правёў першую ў свеце эксперыментальную праверку няроўнасцям Бела ў 1972 годзе (разам з Фрыдманам) і другую ў свеце праверку ў 1976 годзе.