Джоні Кэш (анг. Johnny Cash; 26 лютага 1932, Кінгсленд, штат Арканзас — 12 верасня 2003, Нашвіл, штат Тэнесі) — амерыканскі спявак, ключавая фігура ў музыцы кантры другой паловы XX стагоддзя. Дзякуючы сваёй музыцы, стылю жыцця на сцэне і па-за яе межамі заслужыў аўтарытэт сярод вялікага кола аматараў музыкі, далёка за межамі жанру кантры. Сам сябе пазіцыянаваў як выканаўца «хрысціянскага кантры».
З Джоні Кэшам асацыюецца ўстойлівае словазлучэнне «Чалавек у чорным» (анг. Mаn In Black), бо з 1960-х гадоў для яго было характэрна нашэнне цёмнага адзення (прычыны гэтага ён тлумачыць ў тэксце аднайменнай песні «Man in Black» 1971).