Кантры (англ.: Country ад country music — сельская музыка) — найбольш распаўсюджаная разнавіднасць паўночнаамерыканскай народнай музыкі, па папулярнасці ў ЗША не саступае поп-музыцы.
Кантры аб’ядноўвае дзве разнавіднасці амерыканскага фальклору — гэта музыка белых пасяленцаў, якія пасяліліся ў Новым Свеце ў XVII—XVIII стагоддзя і каўбойскія балады Дзікага Захаду. У гэтай музыцы моцна адчуваецца спадчына Лізавецінскіх мадрыгалаў, ірландскай і шатландскай народнай музыкі. Асноўныя музычныя інструменты гэтага стылю — гітара, банджа і скрыпка.