Джгір Балона, Ёрш Балона (Gymnocephalus baloni) — рыба сямейства акунёвых атраду акунпадобных. Выяўлены ў 1970 годзе ў сярэднім і ніжнім цячэнні ракі Дунай і некаторых яго прытоках. На Беларусі ёсць у рацэ Прыпяць ніжэй горада Пінск.
Даўжыня да 13 см, маса да 41 г. Цела кароткае, высокае. Афарбоўка жаўтавата-карычневая. На нізе галавы, шчэлепнх накрыўках і брушку дробныя карычневыя плямкі. На баках цела 4-6 цёмных папярочных палос. На спінным, хваставых і анальным плаўніках цёмныя плямы. Галава кароткая, тупая, крута пераходзіць у цела. У большых асобін ёсць характэрны горб.