Даты́на — возера ў Гарадоцкім раёне Віцебскай вобласці ў басейне ракі Свіна.
Плошча паверхні 0,14 км². Даўжыня 1,02 км, найбольшая шырыня 0,2 км. Плошча вадазбору 1,25 км². Катлавіна Датына лагчыннага тыпу, значна выцягнутая з паўночнага захаду на паўднёвы ўсход. Схілы катлавіны спадзістыя, вышынёй 5—7 метраў. Берагавая лінія слабазвілістая. З возера выцякае ручай у возера Малое Свіно.