Данута Браніславаўна Ганусевіч (нар. 11 чэрвеня 1932, х. Амбражына Ашмянскага раёна) — беларускі педагог, Заслужаны настаўнік БССР.
Скончыла Гальшанскую СШ (1952), Віцебскі педагагічны інстытут (1956). У 1956—1986 гадах працавала выкладчыкам хіміі у Гальшанскай сярэдняй школе.
Дэлегат VІ з’езда настаўнікаў (1978), з’езда настаўнікаў СССР (1978).
У 1974 годзе прысвоена ганаровае званне «Заслужаны настаўнік БССР». Узнагароджана ордэнам Працоўнага Чырвонага Сцяга (1971), Ганаровай граматай Вярхоўнага Савета БССР (1978).