Дамачаўскі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці. Цэнтр — гарадскі пасёлак Дамачава.
15 студзеня 1940 года ўтвораны Дамачаўскі пасялковы савет у складзе Дамачаўскага раёна Брэсцкай вобласці БССР. 3 чэрвеня 1957 года да Дамачаўскага пассавета былі далучаны вёскі Ляплёўка, Кабёлка і Дубіца скасаванага Ляплёўскага сельсавета[2]. 8 верасня 1959 года ў склад пассавета са скасаванага Ліпінкаўскага сельсавета перададзены населеныя пункты Багданы, Барысы, Дамброўка, Лашнева, Ліпінкі, Падлужжа, Шыкілі[3]. 7 лютага 1972 года скасаваны вёскі Дамброўка і Лашнева[4]. 18 снежня 1972 года да пассавета далучана тэрыторыя скасаванага Чэрскага сельсавета (вёскі Гута, Дубок, Навасады, Рудня і Чэрск)[5].
17 верасня 2013 года Дамачаўскі пасялковы савет быў пераўтвораны ў сельсавет без тэрытарыяльных змен[6].
У склад сельсавета ўваходзяць 15 населеных пунктаў:
Населены пункт | Статус | Насельніцтва | Паштовы індэкс |
---|---|---|---|
Багданы | вёска | 39 | 225021 |
Барысы | вёска | 353 | 225021 |
Гута | вёска | 67 | 225022 |
Дамачава | гарадскі пасёлак | 1305 | 225021 |
Дамброўка | хутар | 6 | 225021 |
Дубіца | вёска | 82 | 224010 |
Дубок | вёска | 143 | 225022 |
Кабёлка | вёска | 191 | 225021 |
Ліпінкі | вёска | 129 | 225021 |
Ляплёўка | вёска | 426 | 225020 |
Навасады | вёска | 53 | 225022 |
Падлужжа | вёска | 97 | 225021 |
Рудня | вёска | 44 | 225022 |
Чэрск | вёска | 150 | 225022 |
Шыкілі | вёска | 74 | 225021 |
Насельніцтва пассавета паводле перапісу 2009 года (без Дамачава) — 1854 чалавекі[7], з іх 88,5 % — беларусы, 6,5 % — украінцы, 4,3 % — рускія[8].