Даматка́навіцкі сельсавет — былая адміністрацыйна-тэрытарыяльная адзінка ў складзе Клецкага раёна Мінскай вобласці. Цэнтр — вёска Даматканавічы. Знаходзіўся ў паўночна-заходняй частцы раёна.
Утвораны 12 кастрычніка 1940 года ў складзе Клецкага раёна Баранавіцкай вобласці БССР. З 8 студзеня 1954 года ў складзе Мінскай вобласці. З 25 снежня 1962 года ў складзе Нясвіжскага раёна, з 30 ліпеня 1966 года ў складзе адноўленага Клецкага раёна. 25 красавіка 2007 года скасаваны, тэрыторыя далучана да Шчэпіцкага сельсавета[1].
На момант скасавання ў склад сельсавета ўваходзілі 5 населеных пунктаў: Арда, Даматканавічы, Жылічы, Сцяпужычы, Якшычы.